Szopka Slonsko czyli Betlejka.

Dzis we krzini sie urodzil
Tyn co z grzychow oswobodzil
Colki slonski pokolynia
I prowadzi do zbawjynia!

Jednak na rozkaz Heroda
Sznupjom wojoki w zegrodach
Coby Dziecionteczko zgladzic
Smjerciom colki Slonsk zarazic.

Poslochej yno Herodzie
Wiela sily w tym narodzie
My ci sam niy popuszczymy
Jak  do kupy sie weznymy!

Wojewody my przegnali
Gorolom sie tez niy dali
Bo trzimjymy sie sam wspolnie
Beztorz zodyn nom niy kulnie.

Momy krzinia w internecie
Glosno o nas w colkim swjecie
Choc sie czasym powadzymy
Przeca bardzo se pszajymy.
 

Manius:

Joch jest zalozyciel strony
I przepuszczom te demony
Wielko musza mjec ciyrpliwosc
Coby zniysc ludzko zlosliwosc.

Achim:

Mje prezesym mjanowano
Do skrzini zaglondom rano
Popoledniu, wieczor w nocy
Bolom mje juz z tego loczy.

Anton:

Mje zas bolom palce z rynki
Od klupanio do tej krzinki
Czasym Saba mi pomoze
Chocioz woli byc na dworze.

Gerad:

Joch tu je z zygarkiym w rynce
Rok i praje mjesionc w krzince
Rod z wszystkimi sie pogodom
Za malom czy wielkom wodom.

Cila:

Coz tak chopy sie kwolicie
Mje i tak niy poradzicie
Jo pisza i do gazety
Choc zech ciepla cygarety.

Leszek:

Reprezyntuja sam Rydultowy
Kto nos obrazo tyn je gotowy!
Chocioz spokojny zech je z natury
To mje wkurzajom nikiere bzdury

Bernat:

Opisol ech se wycieczka malo
I mje sie zaroz po rzici dostalo
Przeca niy byda sie wadzil wiela
Byda na Slonsku w prziszlo niedziela

Hanys:

Jo mom nagroda czyli Wandrusa
Codziyn sniodani mu robic musza
Czyszcza szczewiki, piera galoty
“Nie lopuszczej mje Wandrusku zloty”.

Barborka:

Z Nowego Jorku posylom wjersze
U was je w nocy sam kole pjerszej
Wienc przi objedzie stukam do Hery
I skanowane sle hamburgery.

Olek:

Mocno wos sciskom ze Kiszyniowa
Od rana dzisiej boli mje glowa
Policjo raport nastympny szkryfje
"Ukradli ksiyndzu klamki z zakrystje"

Aniol:

Niech na te Swjynta lad zapanuje
Bo gwiazda z nieba gibko slatuje
Bo juz sie rodzi swjata Zbawiciel
I grzychow wszelkich nasz Odkupiciel.

Diobol:

Juz nom ta gwiozdka kozdy rok slatuje
A na tym swjecie pokoju brakuje
Zas mom roboty pelne pazury
Podzcie sam do mje ziymski syny, cory!

Koniec.

Edulik.

Cos się dzieje w szopie,

A to Jezus na sianeczku

Nozeczkami kopie.

Loroz drzwi się lotwiyrajom

Ludzi wpado duzo,

A to krzinka nasza slonsko

W poklonie się znizo

Idom wszyscy z wielu krajow

Zlozyc dary w zlobku,

Jedni niesom wielkie krzinki,

A inksi po zdziebku.

Piyrszy idzie Andrzej-Hanys

I Wandrusa scisko,

Niesie kolocz i krupnioki

Oraz zuru miska.

Gerad przinios dwa zygory

Ze swyj sciany zdjynte,

Lon tu zno te lokolice

Bo bol w Ziymi Swiyntej.

Cila z Brunym idom w parze,

Niesom jakos ksionszka.

Niech se Jezus lod nos weznie

Ksionszka na pamiontka.

Potym idzie nasz szef – Manius

Co bol w Hameryce,

W jednyj trzimie komputerek,

CD-ik w drugiyj rynce

Usia radio niesie z sobom

Co po slonsku godo.

Mirek projekt nowyj szopy

Tyz przinios ze sobom.

Anton ciepnol cigaryty

-tym się chwoli w szopie

(Zebys dugo tak wytrzimol

-Zyczymy Ci chopie).

A Barborka tomik wierszy

Zlozola w zlobeczku,

Janek z Pszowa tyz polozol

Spiywnik na sianeczku.

Achim pedziol Jezuskowi,

Ze choc grzysznik wielki,

Bydzie dbol lo jego zymby,

Naprawiol “usterki”.

A tu idzie nasz Utopek

Irka kludzi z sobom

Losprawiajom Dzieciontkowi

Jak to jest nad wodom...

Potym idom farorzyczki:

Olek, Kazik, Tyjo

Loni się już zasluzyli

Na “bosko pynzyjo”

Roman, Leszek, Hynio, Jacek

Prosto z Gwarka idom

I (niy wiym czy to pasuje)

Niesom z sobom piwo.

Major z Bankiem niy dotarli

(Lecha lobracali)

Ale z dala Jezuskowi

Kolynda spiywali.

Francek wajchy przeciepowol

Tak ustawiol cugi

Coby jechol do Betlejem

Jeden oraz drugi.

Bernat liczol wiela razy

Bol już we zlobeczku

Wyszlo ponad losiymdziesiont

(Możno jeszcze zdziebko?).

Marys z Elkom z Kiwilandii

Fligrym przilecieli

I swoja nowo chalupa

Blogoslawic chcieli

Krzysiek co w Monachium miyszko

Prziwioz zaproszynie,

Na zwiedzanie fajnych zomkow

Na Bajer-terenie.

Zas JoAchim w bereciku

Prziwioz biblioteka,

Sigus zas lod swiyntyj Anny

Przinios dziecku deka.

Z Edulikiym Wendek idzie

(oj, daleko mieli)

Lecz podobno ich na skrzydlach

Przyniesli anieli.

Potym idzie calo reszta

Tych co nos czytajom,

Kozdy cosik niesie w gorsci

Kolyndy spiywajom.

A na boku Francik stoi

Wszystko lobserwuje

I co widzi, w komputerze

Szybko lopisuje.

Francik