Ślonskie Beranie

Strona wg pomysłu ProMARCOS, wszelkie prawa zastrzeżone
Ślonskie Beranie gości w sieci od 08 marca 1997 r.

aktualizacja 08-08-2002

Szczynść Boże!

Informuje, ze w dniu 08.08.2002 zawieszam redagowanie na bieżąco niniejszych stron. "Krzinia" nadal pozostaje lotwarto! Z podziynkowaniem za ponad 5 lot wspolpracy, Manius

Moi Roztomili

Krzinka - ŚLONSKIE BERANIE

Prosza Wos piyknie do Naszej Putni na Internecie
Naszo klubowo slonsko krzinka slask@promarcos.com.pl

Dejcie pozor! Nojpirw trza sie dopisać na lista, a potym już możecie pisać na adres slonskiej krzynki.

Nojsomprzod trza posłać pusty e-mail na adres:
klub-dodaj@promarcos.com.pl

A coby sie wypisać z Klubu, nolezy wysłać pusty e-mail na adres:
klub-usun@promarcos.com.pl

5 lat!

Szkryflejcie mondrosci, szkryflejcie gupoty, szkryflejcie do smiychu, szkryflejcie do placzu i niy miyjcie zaroski pretynsji jak sie komus cosik niyzryncznie abo cylowo wymsknie ino... poberojcie
Pyrsk ZeteM

JAZZ-KLUB "Boczno furtka"

Spotkanie u Hyjdli ze "Ślonskiego Berania" na antenie Radia PLUS - Posuchejcie !

Szczęść Boże!

Odkąd pamięć naszego pokolenia sięga, na ziemi Górnego Śląska zwalczała się wzajemnie ludność miejscowa - "Hanysy" z ludnością napływową - "Gorolami". Powodów tej wrogości było z pewnością bez liku, jednym z podstawowych jednak, był u "Goroli" brak znajomości gwary śląskiej, ba, wręcz zakazu używania jej w szkołach i urzędach.

Z czasem ludność Górnego Śląska się zintegrowała, problem braku możliwości porozumienia się zanikał. Starsze pokolenie Górnoślązaków nadal używa gwary, natomiast młodzież zna ją tylko szczątkowo lub wcale.

Chcąc ocalić piękną gwarę śląską od zapomnienia i przybliżyć ją również "Gorolom", powstało "Ślonskie Beranie", opisujące w listach ciekawe miejsca Górnego Śląska, wydarzenia i anegdoty.

Listy Hyjdli (czyli Jadwigi) opisują fragmenty starych i nowych miejsc stolicy Górnego Śląska - Katowic. Zapraszamy do ich czytania, a także do pisania.
Najciekawsze listy zamieścimy na stronach "Ślonskiego berania".

Śląsk, to także piękno i bogactwo języka mieszkańców Ziemi Cieszyńskiej.

Płyniesz Olzo po dolinie
Płyniesz jak przed laty
Takie same na twym brzegu
Kwitną wiosną kwiaty

I dąb stary nad twym brzegiem
Jak szumiał tak Szumi
A wnuk starą mowę dziadów
Ledwie że rozumie.

Kubisz

A tera po naszymu:
(wolna interpretacja)

Już nasi starzykowie padajom, iże "Hanysy" ze "Gorolami" sie łod zawdy ze sobom hajali. Godajom, iże krzyw byli "Gorole", bo nie chcieli poznoć naszo ślonsko godka, mało tego wyciepli jom ze szkołow, a bejamtrom zakozywali po naszymu godać.

Po prowdzie tera już je inakszyj, bo wiela Gorolow sie ze Hanyskami łobżeniło a nasze karlusy sie wzienli Gorolki za baby i tak po lekku wszysko sie uładzieło. Ze dzieciokow mało wto jeszcze godo po ślonsku.

Chcieli my wszystkim, tyż "Gorolom" przipomniyć naszo fajno ślonsko godka i tak sie urodzieło "Ślonskie Beranie",
Zaproszomy do czytanio listków o Katowicach i inkszych miejscach Górnego Ślonska.

Piszcie do nos Mili Ludkowie.
Pyrsk!

Slonskie Beranie w kazdo sobota od 10-12 PM (USA) /u nos niedziela switem 5-7.00 / gosci   w audycji Zwiazku Slazakow w Ameryce Polnocnej "Na Slaskiej Fali"

Taki mały wiyrszyk: cyt.

"Na tym naszym czornym Ślonsku
Tak jak wszyndy kwitnom kwiotki,
Ale nikaj nie treficie,
Takij piyknyj, jak tu godki."

To je dedykacjo, kero wpisol do swoji ksionszki Utopek z Wielopola. Ale wpisol jom ni mie, ale mojimu fatrowi. Bolo to juz ze sztyry abo piync lot tymu. Fest sie to mojimu ojcowi spodobalo i powtarzol to przi kozdyj okazji, wsrod znajomych, ujcow i ciotek. Mie tyz sie to fest spodobalo i wzion zech od niego te przizwyczjyni. Godolzech to wszyndzi. Jak zech sie zapisol do Krzinki, (przeszlo poltoryj roku tymu), toch se pomyslol, ze tyz musza sie tym piyknym cytatym podzielic z kamratami
04.11.00 Olek.

                Slonski kwiotek

Na tym naszym czornym Ślonsku,

Tak jak wszyndy kwitnom kwiotki!

Ale nikaj niy treficie,

Takij piyknyj jak tu godki.

To łona mie prziwitała,

Jak na Boży Świat żech prziszoł!

Starka z mamom tak godały,

Od nich piyrszy żech jom słyszoł.

To nojlepszy ślonski kwiotek!

Idzie pedzieć - Rzecz to Świynto!

Kery tukej sie urodziył,

Cołki życie jom pamiynto.

Naszo piykno Ślonsko godko,

Keroś wieki nom przetrwała!

Kwitnij dalij moja złoto,

Co byś dycki tu łostała!

              Bogdan Dzierżawa
(Rybnicki Utopek!)))))

Co do porzykanio - kożdy robi, jak uważo, jedyn rzyko czynści, inkszy rzodzij. Ale kto je mondry, to ło nim nie zapomino, bo jak to padajom "kto mo ujca w niebie, o piekło boć sie nie musi". Godajom też, że z tym przeżegnaniym, to je jak z mazaniym chleba (abo to bylo na opak?).
Przed wojnom mazali pomału, a przytym godali "niech bydzie pochwalony Jezus Krystus". Po wojnie - trocha krócyj, jak "Szczynść Boże", a terozki - yno "cześć" i już som fertig

fragment listu od Danki

Rychtyk piykno jest ta Wasza strona o ziymi slonskiej. Jo jako syn tej ziymi i wnuk powstanca nigdych w sercu nie opuscil tego bogactwa tradycji naszego Slonska. Moj starzik dycki godol, ze my tu wszyscu nalezymy, bo tu je nasz dom. Chyba miol recht bo chocioz dzisiej zyja tak daleko od Slonska, to przeca czuja zech mowy slonskij nie zapomniol. I choc godom piecioma inkszymi mowami to ta slonsko zawsze je sercu najblizszo. W doma my zawsze godali po slonsku, a nieboga starka poradzila godzinami berac. Tak zech sie wychowol w tej tradycji i za to Ponboczkowi dziynkuja. A Wom dziynkuja za ta strona co se moga z Vancouver pologlondac i przipomniec tyn piykny nasz Slonsk. Szczynsc Wom Boze!

Edward Dornia

Prezes Kongresu Polonii Kanadyjskiej
w Kolumbii Brytyjskiej Kanada.

Nikaj na świecie ni mo takiego Wariota - musicie to łobejrzeć.

leci od 17.11.1998 r.