Wakacje za bajtla

Witom Wos z Vancouver.

15 lipca 2000r.

Je rano i sloneczko do mje sie usmjycho na calego...

Stanylech wczesni coby rozwionzani KONKURSU "MOJI WAKACJE ZA BAJTLA" odbylo sie 15, i tu i u Wos.

Na poczontek wszystkim uczestnikom i opinjodawcom bardzo dziynkuja za udzial. Te wspomniynia zrobily mi losobiscie, a mysla co tez wszystkim krzinkowiczom wiela szpasu i przipomnialy niejedne wakacje. Komisjo mjala bardzo ciynzki zadani, bo tak po prowdzie wszystkim sie jakos nagroda nalezy...no ale przepisy przepisami. Cza to ustalic. Szanowno komisjo z wielkom uwagom przeczytala wspaniale prace konkursantow: nostalgiczne wspominki Antona i Wendelina, odkrywanie morza przez Pyjtra, Olka, Leszka, perypetje z kwaterom Cile, rojbrowanie Bruna, gry w logrodzie i siyni Francka, podparte mapom i lobrozkami wspomniynia Janka, przigody z umoczonom rziciom i wiewiorkom Gerada, wierszym lopisane niezapomniane kolonje w Grzibowie JoAchima.

Po glymbokim namysle i zaciongniynciu opinji krzinkowiczow, szanowno komisja postanowila co nastympuje:

III nagroda - dysk kompaktowy z kanadyjskim wykonawcom - za wklad pracy wlozonej i opis zwyczajow obozowych otrzimuje Adas.

II nagroda - album o Kolubji Brytyjskij - za dokladnosc opisu zycia harcerskigo i nastrojowo fojera otrzimuje RomanZ.

I nagroda - lobroz z motywym indjanskim - za malowniczy opis wakacji w Szczyrku loncznie z calowaniym zab otrzimuje Krista.

Komisjo gratuluje i uprzyjmje prosi zwyciynzcow o przislani na priwatny e-mail dornia@direct.ca adresow w celu wyslanio nagrod.

UWAGA!

Decyzjo komisji je ostateczno i niy podlego zaskarzyniu do Trybunalu Konstytucyjnego, Sondu Admninistracyjnego, ani inkszego Magistratu.

Pozdrowiom Wos wszystkich i dziynkuja za wspolno zabawa!

Edulik.

UWAGA!!!

Jak donosi komisjo do spraw konkursu MOJI WAKACJE ZA BAJTLA, na wjeczornym spotkaniu przi flaszcze czerwonego wina i zakonsce ze szwajcarskigo syra, zgromadzono publicznosc uchwalila dodatkowo nagroda: NAGRODA PUBLICZNOSCI. Za artstyczne walory uzewnyntrzniynio nastroju kolonji w sposob literacko szczegolny PUBLICZNOSC prziznala nagroda JoAchimowi. Gratulujymy i proszymy nagrodzonego o przislanie adresu w celu wyslanio nagrody niespodzianki.